Fina Finan Hausa Na Wannan Zamanin Basa Nuna Al'ada

 Hauwa Haruna

Fina Finan Hausa Na Wannan Zamanin Basa Nuna Al'adar Malam Bahaushe Inji Daya Daga Cikin Tsofaffin Jaruman Fina Finan Hausa Na Kannywood,

A Cikin wata fira da Jarumar tayi da gidan jaridar Hausa na yanar gizo Dandalinvoa A cikin shirinsu na Nishadi, gadai yadda firar tasu ta kasance.

Fina-Finan Hausa Na Wannan Karnin, Basa Nuna Al'adun Malan Bahaushe!

Shirin nishadi na DandalinVOA ya karbi bakoncin, jaruma, da ta ga jiya ta ga yau a harkar fina-finan Hausa .

Hauwa Haruna, wace aka fi sani da ‘Ladin Cima’ ko ‘Tambaya Matar Malan Mamman’ wacce ta ce ta fara fitowa fim tun ana biyan ta naira goma, bayan tayi fina-finai kyauta irinsu shahararren fim din Shehu Umar. Ta kara da cewa, tun ana zuwa garin Kaduna domin yin fim, wanda a wancan lokacin babu gidan talabijin a jihar Kano.

A wancan lokaci har sai an tafi kaduna, kuma suna harkar fim a kyauta, da wasu fitattu kamar irin su Doron Maje da Alkali kuliya.

Tambaya, ta ce sai bayan da aka bude gidan talabijin na NTA Kano, a wannan lokaci ne aka fara basu kudi naira goma, ta kara da cewa harkar fim a da, da yanzu akwai bambanci, domin kuwa ana nuna tsantsar dabi’un malan Bahaushe ne, na kunya da al’adu da suka kamata, inda bai yuwa a nuno mata da miji a cikin daki daya, amma a yanzu fa? Amma yanzu zamani ya zo, da har ana nuno su tare a kan gado, baya ga shigo da wasu yaruka daban da aka hada a fina-finan malan Bahaushe, wanda hakan ya tabbatar da cewar, ba al’ada ake nunawa ba, don kuwa mafi akasari al’adun kasashen waje ake nunawa, na zamani masu kyau da marasa kyau.

Tambaya matar Malan Mamman, ta ce bata fuskantar wani kalubale, a harkar fina-finai a iya zamanta, domin kuwa ana bata duk girma da ya kamata na matsayinta uwa a cikin masana’antar.

Sorce :- Dandalinvoa.com



Tallata wakar ka : Send Email Or Call